S03AA07 Ципрофлоксацин (Ciprofloxacin)
Қолдану көрсеткіштері
| Ересектер мен 8 жастан асқан балаларға бактериялардың сезімтал штаммдарынан туындаған мөлдір қабықтың ойық жаралары мен көздің және қосалқыларын беткейлік инфекциясын емдеуге арналған. |
-
Клинические протоколы:
- Катаракта
Қарсы көрсеткіштері
| Әсер етуші затқа немесе қосымша заттардың кез келгеніне аса жоғары сезімталдық - 8 жасқа дейінгі балалар |
Қауіпсіздік шаралары
| Тек офтальмологияда жергілікті қолдануға арналған. Бір жасқа толмаған балалардағы, әсіресе жаңа туылған нәрестелердегі клиникалық тәжірибе өте шектеулі. Ципрофлоксацин көзге тамызатын дәріні шығу тегі гонококкты немесе хламидиялы неонатологиялық офтальмиясы бар жаңа туған нәрестелерде қолдану ұсынылмайды, өйткені ол мұндай пациенттерде бағаланбаған. Жаңа туған нәрестелердің офтальмиясы бар нәрестелер олардың жағдайына сәйкес ем қабылдауы керек. Ципрофлоксацин көзге тамызатын дәрісін пайдаланған кезде бактериялық резистенттіліктің пайда болуына және таралуына ықпал етуі мүмкін ринофарингеальді пассаж қаупін ескеру керек. Кейбіреулері бірінші дозадан кейін байқалған аса жоғары сезімталдықтың ауыр және кейде өлімге әкелетін реакциялары (анафилаксиялық) жүйелі енгізілетін хинолондар негізінде ем қабылдаған пациенттерде байқалды. Кейбір реакциялар жүрек-қантамыр коллапсымен, естен айырылумен, шаншумен, жұтқыншақтың немесе беттің ісінуімен, ентігумен, есекжеммен және қышынумен қатар жүрді. Анамнезінде тек бірнеше пациентте аса жоғары сезімталдық реакциялары болған. Ципрофлоксацинге аса жоғары сезімталдықтың ауыр жедел реакциялары жедел шұғыл емдеуді талап етуі мүмкін. Оттегі мен тыныс алу жолдарын басқару клиникалық түрде көрсетілген жерде қолданылуы керек. Ципрофлоксацин тері бөртпесі немесе аса жоғары сезімталдықтың кез келген басқа белгілері алғаш пайда болған кезде тоқтату керек. Барлық бактерияға қарсы препараттар сияқты, ұзақ уақыт қолдану бактериялардың немесе саңырауқұлақтардың сезімтал штаммдарының шамадан тыс өсуіне әкелуі мүмкін. Егер суперинфекция пайда болса, тиісті емді бастау керек. Ципрофлоксацинді қоса алғанда, фторхинолондармен жүйелі ем кезінде, әсіресе егде жастағы пациенттерде және бір мезгілде кортикостероидтарды қабылдайтын пациенттерде сіңірлердің қабынуы және үзілуі туындауы мүмкін. Сондықтан Ципрофлоксацин көзге тамызатын дәріні емдеуді сіңір қабынуының алғашқы белгілері кезінде тоқтату керек. Көздің қабығы ойық жарасы және Ципрофлоксацин көзге тамызатын дәрісін жиі қабылдайтын пациенттерде Ципрофлоксацин көзге тамызатын дәрісін қолдануды жалғастырғаннан кейін жоғалып кеткен жергілікті ақ көз шөгінділері (дәрі қалдықтары) байқалды. Шөгінді Ципрофлоксацин көзге тамызатын дәріні одан әрі қолдануға кедергі келтірмейді және сауығу процесінің клиникалық ағымына теріс әсер етпейді. Шөгіндінің пайда болуы ем басталғаннан кейін 24 сағат-7 күн ішінде болды. Шөгіндінің резорбциясы ем басталғаннан кейін дереу 13-ші күнге дейін өзгерді. Көз инфекциясын емдеу кезінде жанаспалы линзаларды тағу ұсынылмайды. Сондықтан пациенттерге Ципрофлоксацин көзге тамызатын дәрімен емдеу кезінде жанаспалы линзаларды тағуға болмайды. Бұл дәрінің құрамында әр 5 мл-де 0,3 мг бензалконий хлориді бар, ол 0,06 мг/мл-ге баламалы. Бензалконий хлоридін жұмсақ жанаспалы линзаларға сіңеді оларды түсіздендіре алады. Препараттың жұмсақ жанаспалы линзалармен жанасуынан аулақ болыңыз. Қолданар алдында жанаспалы линзаларды алып тастап және препаратты тамызғаннан кейін кемінде 15 минут күту қажет. Ириттер пайда болуы мүмкін. Қол жетімді шектеулі мәліметтерге сүйене отырып, ересектермен салыстырғанда балалардағы жағымсыз құбылыстардың бейінінде ешқандай айырмашылық жоқ. Алайда, әдетте, балалардағы көздер ересек адамның көздеріне қарағанда бұл ынталандыруға күшті реакция көрсетеді. Тітіркену балалардағы емделуге деген ұстанымға әсер етуі мүмкін. Бензалконий хлориді көздің тітіркенуін, көздің құрғау симптомдарын туындатады және жас үлбіріне және мөлдір қабақтың беткейіне әсер етуі мүмкін. Көздің құрғауы бар пациенттерде және мөлдір қабығы бұзылуы мүмкін пациенттерде сақтықпен қолдану керек. Препаратты ұзақ уақыт қолданған жағдайда пациенттер дәрігердің бақылауында болуы тиіс. |
Дәрілік заттармен өзара әрекеттесуі
| Офтальмологиялық ципрофлоксацинмен дәрілік өзара әрекеттесуге ерекше зерттеулер жүргізілмеген. Препаратты көзге жергілікті қолданғаннан кейін ципрофлоксациннің жүйелік төмен концентрациясын ескере отырып, дәрілік өзара әрекеттесу ықтималдылығы аз. Егер біреуден артық жергілікті офтальмологиялық дәрілік зат пайдаланылса, онда дәрілерді кемінде 5 минут аралықпен енгізу керек. Көзге арналған жақпамайды соңынан енгізу керек. |
Бүйрек жеткіліксіздігі
| Дозаны түзету қажет емес. |
Бауыр жеткіліксіздігі
| Дозаны түзету қажет емес. |
Жүктілік
| Жүкті әйелде Ципрофлоксацин қолдану туралы жеткілікті деректер жоқ. Жануарларға жүргізілген зерттеулер репродуктивтік уыттылыққа қатысты тікелей зиянды әсерді көрсетпейді. Жергілікті қолданғаннан кейін ципрофлоксациннің жүйелік әсері төмен болады деп күтілуде. Егер емдік пайда шарана үшін ықтимал қауіптен асып кетпесе, сақтық шарасы ретінде жүктілік кезінде Ципрофлоксацин қолданудан аулақ болған жөн. |
Емізу
| Пероральді қабылдаған кезде ципрофлоксацин емшек сүтімен бөлінеді. Ципрофлоксацин адамның емшек сүтімен жергілікті көз немесе оптикалық енгізуден кейін бөлінетіні белгісіз. Бала үшін қауіпті жоққа шығаруға болмайды. Сондықтан емізетін әйелдерге Ципрофлоксацин тағайындау кезінде сақ болу керек. |
Жағымсыз әсерлері
| Жиі: - дисгевзия. Жалпы: - мөлдір қабықтың шөгінділері, көздегі жайсыздық, көз гиперемиясы. Жиі емес: - жүрек айнуы; - бас ауыруы; - кератопатия, нүктелік кератит, мөлдір қабықтың инфильтраттары, көз қарығу, көру өткірлігінің төмендеуі, қабақтың ісінуі, көрудің бұлыңғырлануы, көздің ауыруы, көздің құрғауы, көздің ісінуі, көздің қышынуы, көзден жас ағудың жоғарылауы, көзден бөліністер, қабақтың шеттерінде қабықтың пайда болуы, қабақтың қабыршақтануы, конъюнктиваның ісінуі, қабақ эритемасы. Сирек: - аса жоғары сезімталдық; - бас айналу; - көз уыттылығы, кератит, конъюнктивит, мөлдір қабық эпителийінің ақауы, диплопия, көз гипестезиясы, астенопия, көздің тітіркенуі, көздің қабынуы, гордеол; - құлақ ауыруы - тыныс алу жолы, кеуде қуысы ағзалары және көкірек ортасы аурулары; - мұрын жанындағы қойнаулар гиперсекрециясы, ринит; - асқазан-ішек бұзылыстары; - диарея, іштің ауыруы; - дерматит. Белгісіз (қолда бар деректер бойынша бағалау мүмкін емес): - сіңір бұзылыстары. |
Көрсеткіштері, қолдану тәсілі мен дозалары
| Мөлдір қабықтың ойық жараларында Ципрофлоксацин келесі уақыт аралығында, тіпті түнде де енгізілуі керек: Бірінші күні алғашқы алты сағат ішінде әр 15 минут сайын зардап шеккен көзге 2 тамшыдан, содан кейін күннің қалған бөлігінде әр 30 минут сайын зардап шеккен көзге 2 тамшыдан тамызу керек. Екінші күні зардап шеккен көзге сағат сайын 2 тамшыдан тамызу керек. Үшінші күннен он төртінші күнге дейін әр 4 сағат сайын зардап шеккен көзге екі тамшыдан тамызу керек. Егер пациент 14 күннен артық емдеуді қажет етсе, дозалау режимі емдеуші дәрігердің қалауы бойынша қалады. Көздің беткейлік инфекциясында әдеттегі доза күніне төрт рет зардап шеккен көзге (екеуіне) бір немесе екі тамшыдан тұрады. Ауыр инфекциялар кезінде алғашқы екі күндегі доза оянған кезінде екі сағат сайын бір немесе екі тамшы болуы мүмкін. Кез-келген көрсеткіш үшін емнің барынша ұзақтығы 21 күн болып ұсынылады. 8 жас және одан асқан балалардағы доза ересектердегідей. |
Балаларда қолданылуы
| Ципрофлоксацин көзге тамызатын дәрінің қауіпсіздігі мен тиімділігі 0-ден 12 жасқа дейінгі 230 балада анықталды. Пациенттердің осы тобында елеулі жағымсыз реакциялар байқалмады. |