V03AB15 Налоксон (Naloxone)

Қолдану көрсеткіштері

Апиындардың артық дозалануы
- апиындардан болатын тыныс алу орталығының бәсеңдеуінде
- босанушы әйелге апиынды анальгетиктер енгізгеннен кейін жаңа туған нәрестелерде тыныс алуды қалыпқа келтіру үшін
- апиынға тәуелділігі күдік тудыратын науқастарда диагностикалық дәрі ретінде

Клинические протоколы:

Қарсы көрсеткіштері

Препаратқа жоғары сезімталдық.

Қауіпсіздік шаралары

Кейбір апиынды анальгетиктер әсерінің ұзаққа созылуы налоксонның әсер ету ұзақтығын арттыра алады, сондықтан емделушілер тұрақты медициналық бақылауда және өкпені жасанды желдету және басқа реанимациялық шаралар жасау мүмкін болатын жағдайларда болуы тиіс.
Апиынға тәуелді науқастарға препаратты өте абайлап енгізген жөн, өйткені абстиненция пайда болуы мүмкін.
Кардиоваскулярлы аурулары бар емделушілерде және кардиоуытты препараттар қолданатын емделушілерде сақтықпен қолдану қажет, өйткені вентрикулярлы тахикардия мен фибрилляция пайда болуы мүмкін.
Тышқандар мен егеуқұйрықтарға жасалатын тәжірибелерде фертильділіктің бәсеңдеуі және тератогенді әсердің болмауы анықталған.
Налоксон қолдану кезінде көлік құралдарын басқаруға және қозғалыс механизмдерімен қызмет көрсетуге тыйым салынады.

Дәрілік заттармен өзара әрекеттесуі

Налоксон апиынды анальгетиктердің ауыруды басатын әсерін жояды. Препарат бупренорфин мен трамадол әсерлерін азайтады, бірақ оның әсері қысқа мерзімді.
Бір мезгілде қолданғанда Налоксон клофелиннің гипертензияға қарсы әсерін азайта алады.
Құрамында бисульфаттар бар дәрілік заттардың ерітінділерімен үйлесімсіз. Фармацевтикалық тұрғыда 0,9% NaCl, 5% декстроза ерітіндісімен, инъекцияға арналған стерильді сумен үйлесімді.

Бүйрек жеткіліксіздігі

Деректер жоқ.

Бауыр жеткіліксіздігі

Деректер жоқ.

Жүктілік

Жүктілік кезеңінде сақтықпен қолданады. Препаратты жүктілік кезеңінде абсолютті көрсетілімдері бойынша қолдануға болады.

Емізу

Лактация кезеңінде сақтықпен қолданады. Налоксонның емшек сүтімен бөлінуі белгісіз. Препаратты лактация кезеңінде абсолютті көрсетілімдері бойынша қолдануға болады.

Жағымсыз әсерлері

Налоксон жылдам енгізілген кезде әртүрлі реакциялар пайда болуы мүмкін.
- жүрек айну
- құсу
- тахикардия
- артериялық гипертензия
- жүректің тоқтауы
- құрысулар
- тері бөртпесі
- қышыну
- есекжем
- ангионевротикалық ісіну
- қатты терлеу
Операциядан кейінгі кезеңде ең аз қажетті дозалардан асып кететін Налоксон пайдаланылғанда анальгезия мен қозу, артериялық гипотензия немесе гипертензия, қарыншалық тахикардия, қарыншалар фибрилляциясы, өкпе ісінуінің жоғалуы мүмкін.
Апиынға тәуелді емделушілердегі «тоқтату» синдромы: белгісіз күйде ауыру, диарея, гипертермия, ринорея, түшкіру, тершеңдік, жүрек айну, құсу, күйгелектік, қажу, ашушаңдық, тремор, әлсіздік; жаңа туған нәрестелерде – құрысулар, диарея, гипертермия, тынымсыз айқай, гиперрефлексия, түшкіру, тремор, әдеттен тыс ашушаңдық, құсу.
Емдік дозаларда қолданғанда организмінде апиын мөлшері жоқ науқастарда Налоксон әдетте жағымсыз әсерлер тудырмайды.

Көрсеткіштері, қолдану тәсілі мен дозалары

Препарат дозасы және енгізу жолы науқас ахуалына және организмде болатын апиынды дәрі мөлшеріне байланысты.
Есірткілік анальгетиктер артық дозаланған кезде Налоксон көктамыр ішіне (баяу тамшылатып, 2-3 минутта), бұлшықет ішіне немесе тері астына енгізіледі: ересектерге – 0,4 мг дозада. Өмірге қатер төнетін жағдайларда көктамыр ішіне енгізу жолы дұрысырақ. Әсері жеткіліксіз болған кезде препарат қайтадан осындай дозада есін жиғанша және дербес тыныс алу қалпына келгенше әр 3-5 минут сайын енгізіледі. Егер препараттың 10 мг жиынтық дозасын енгізгеннен кейін сана мен тыныс алу қалпына келмесе, онда апиынды анальгетиктермен улану диагнозы күмән тудырады.
Балаларға арналған бастапқы дозасы дене салмағына 0,005-0,01 мг/кг құрайды. Қажет болғанда препаратты қайта енгізуге болады.
Хирургиялық наркоздан шығаруды жеделдету үшін Налоксон ересектерге көктамыр ішіне 0,1-0,2 мг (дене салмағына 0,0015-0,003 мг/кг); балаларға дене салмағына 0,001-0,002 мг/кг дозада әр 2-3 минут сайын науқас есін жинап алғанша және өздігінен тыныс ала бастағанша, бірақ анық ауырсыну сезімдерінсіз және жайсызданусыз. Егер күтілген әсері жоқ болса, препаратты әр 2-3 минут сайын дене салмағына 0,1 мг/кг дейінгі дозаларда қайта енгізіледі. Көктамырішілік инъекция жасау мүмкіндігі болмағанда препарат бұлшықет ішіне немесе тері астына бөлшек дозаларда енгізіледі.
Жаңа туған нәрестелер үшін бастапқы доза дене салмағына 0,01 мг/кг құрайды. Енгізуді апиынды анальгетиктер қолдану аясында операциядан кейін тынысы тарылған ересектерде қолдану қағидаларымен сәйкес қайталауға болады. Босану кезінде апиынды анальгетиктер енгізуден болатын жаңа туған нәрестелердегі тыныс алу депрессиясында Налоксон дене салмағына 0,1 мг/кг дозада бұлшықет ішіне, тері астына немесе көктамыр ішіне енгізіледі. Препаратты енгізер алдында жаңа туған нәрестедегі тыныс алу жолдарының өткізгіштігіне сенімді болу қажет. Алдын алу үшін бұлшық ет ішіне 0,2 мг (дене салмағына 0,06 мг/кг) енгізуге болады.
Апиынға тәуелділікті диагностикалау үшін Налоксон 0,8 мг көктамыр ішіне енгізіледі және тоқтату синдромының белгілерін анықтау мақсатында науқас ахуалын қадағалайды.

Балаларда қолданылуы

Жаңа туған нәрестелердегі «тоқтату» синдромы: құрысулар, диарея, гипертермия, тынымсыз айқай, гиперрефлексия, түшкіру, тремор, әдеттен тыс ашушаңдық, құсу.