V03AF03 Кальций фолинаты (Calcium folinate)

Қолдану көрсеткіштері

Фолий қышқылының антагонистері - препараттарының (метотрексат, пириметамин, триметоприн) уытты әсерлеріне антидот ретінде, метотрексатты жоғарылатылған және жоғары дозаларда қолданған кезде оның уытты әсерінің алдын алатын дәрілер ретінде, ішек ісіктерін емдеген кезде флуороурацилдің биологиялық әсерінің модификаторы ретінде.

Клинические протоколы:

Қарсы көрсеткіштері

Кальций фолинаты немесе препарат құрамына кіретін кез келген басқа затқа жоғары сезімталдық, пернициозды анемия және В12 дәруменінің тапшылығы туындатқан басқа мегалобласты анемия, балаларда эпилепсия талмаларына бейімділік болғанда.

Қауіпсіздік шаралары

Несептің қышқылды реакциясы бар науқастарда, экссудативті жалқығы, бүйрек қызметінің бұзылуы, ішек бітелісі бар науқастарда кальций фолинатының өте жоғары дозасы және/немесе емдеуді ұзаққа созу қажет етілуі мүмкін, өйткені осы топқа жататын пациенттерде метотрексаттың шығарылуы баяулауы мүмкін. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Фенобарбитал, фенитоин және примидон - құрысуға қарсы белсенділігін төмендетеді.Флуороурацил - емдік те, уытты да әсерлерін күшейтеді.Кальций фолинаты 5 - фторурацилмен бір инфузиялық ортада араласпауы тиіс.

Бүйрек жеткіліксіздігі

Созылмалы бүйрек жеткіліксіздігі бар науқастарға сақтықпен қолдану.

Бауыр жеткіліксіздігі

Деректер жоқ.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Есекжем түріндегі аллергиялық реакциялар, терінің қышынуы, бөртпе, анафилаксиялық шок дамуы, диспепсиялық бұзылулар (жоғары дозада қолданған кезде), ұйқының бұзылуы, қозу, депрессия, қызба.

Көрсеткіштері, қолдану тәсілі мен дозалары

1. Метотрексаттың антагонизмі (метотрексаттың жоғары дозаларынан кейінгі уыттылықты емдеу)

Лейковорин Метотрексат инфузиясы басталғаннан кейін 24-36 сағаттан кейін енгізіле бастайды.

Стандартты доза: 48 сағат ішінде әр 6 сағат сайын 15 мг (немесе 10 мг/м2).

Содан кейін Метотрексат толығымен жойылғанға дейін төмен дозаларға ауысады.

2. 5-фторурацилмен бірге (цитостатиктің әсерін күшейту үшін)

Болюсті енгізу: 200 мг/м2 көктамыр ішіне, содан кейін 5-фторурацил 370-400 мг/м2.

Инфузия: тәулігіне 20 мг/м2 көктамыр ішіне + фторурацил тәулігіне 425 мг/м2.

Курс аптасына бір рет немесе жеке үлгі бойынша қайталанады.

3. Фолий қышқылының антагонистерінің артық дозалануы (метотрексат, триметоприм және т. б.)

Лейковориннің жоғары дозалары уыттылық жойылғанға дейін көктамыр ішіне енгізіледі.

4. Фолий тапшылығына байланысты мегалобластикалық анемия

Күніне 1 мг, емдеу ұзақтығы науқастың жағдайына байланысты.

Балаларда қолданылуы

Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.