D11AH01 Такролимус (Tacrolimus)

Қолдану көрсеткіштері

Атопиялық дерматитте, баламалы емге жоғары сезімталдықпен байланысты, қауіп жоғары болғандықтан дәстүрлі емдеу әдістеріне қарсы көрсетілімдер болған жағдайда, немесе емнің тиімсіздігі байқалған пациенттерге белгілері мен симптомдарына қарай қысқа мерзімді (жедел кезеңде) және ұзақ емдеу үшін;
- өршулері жиі (жылына 4 көрінісінен көп) болатын пациенттерде атопиялық дерматиттің (ауырлығы орташа дәрежелері мен ауыр түрлерінің) жаңа өршулерінің алдын алу және ремиссия кезеңін ұзарту мақсатында демеуші ем үшін.

Клинические протоколы:

Псориаз

Қарсы көрсеткіштері

Такролимусқа, макролидтер тобының кез келген басқа заттарына немесе препараттың қосымша заттарының кез келгеніне аса жоғары сезімталдық;
- жүктілік және лактация кезеңі
- 16 жасқа дейінгі балаларға.

Қауіпсіздік шаралары

0.1% препаратын туа біткен немесе жүре пайда болған иммун тапшылығы бар науқастарда немесе иммуносупрессивтік препараттарды қабылдап жүрген пациенттерде пайдалануға болмайды.
Препаратты қолдану кезінде теріге күн сәулесінің түсуін азайту, ультракүлгін сәуледен қорғану, солярийге, псораленмен біріктірілген Б немесе А сәулелерімен УК емге (PUVA-емге) бармау қажет.
0.1% жақпамайы қатерлі немесе қатерлілік алдында болуы ықтимал ретінде қарастырылатын зақымданған бөліктерді емдеу үшін қолданылмауы тиіс.
Препаратты терінің липидтік қабатының бұзылулары (ламеллярлық ихтиоз, жайылған эритродермия немесе теріні ауыстырып салғаннан кейінгі ТИҚ реакциясы) бар пациенттерге қолдану ұсынылмайды.
Терінің жақпамай жағылған бөліктеріне 2 сағат бойы жұмсартатын дәрілерді пайдалануға болмайды.
Жақпамайды көзге және шырышты қабықтарға тигізбеу қажет (байқаусызда тиіп кеткен жағдайда, жақпамайды мұқият кетіру және/немесе сумен жуып тастау қажет).
Жақпамайды пайдаланғанда ауа өткізбейтін тығыз киім кию ұсынылмайды.

Дәрілік заттармен өзара әрекеттесуі

Такролимус теріде метаболизденбейді, бұл теріде өзінің метаболизміне ықпал етуі мүмкін дәрілермен өзара әрекеттесуіне жол бермейді.
Жақпамай түрінде пайдаланғанда такролимустың жүйелі сіңірілуі тым аз болғандықтан, CYP3A4 белгілі тежегіштерін (эритромицин, итраконазол, кетоконазол, дилтиазем) бір мезгілде қолданғанда өзара әрекеттсу ықтималдығы аз, алайда, зақымданған бөліктері ауқымды және/немесе эритродермиясы бар пациенттерде толықтай жоққа шығару мүмкін емес.
Бромокриптин, кортизон, дапсон, эрготамин, гестоден, лидокаин, мефенитоин, миконазол, мидазолам, нилвадипина, норэтистерон, хинидин, тамоксифеницин, тромоксифенин - препарат метаболизмінің әлеуетті тежегіштері. Метоклопрамид, циметидин, магний және алюминий гидроксиді-препараттың жүйелік әсерінің жоғарылауы. Грейпфрут шырыны препараттың қандағы деңгейін жоғарылатады, оны болдырмау керек.

Бүйрек жеткіліксіздігі

Деректер жоқ.

Бауыр жеткіліксіздігі

Деректер жоқ.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі (> 1/10):
- қолданылған жердің ашытуы және қышынуы.
Жиі (> 1/100, < 1/10):
- қолданылған орындағы ысыну сезімі, қызаруы, ауыруы, тітіркенуі, бөртпе
- герпес инфекциясы (Herpes simplex, Капошидің герпестік экземасы), фолликулит
- парестезиялар мен дизестезиялар
- алкоголь жақпаушылығы (спирттік ішімдіктерді қолданғаннан кейін терінің тітіркену симптомдары).
Сирек (> 1/1,000 < 1/100):
- акне.
Жиілігі белгісіз (қолда бар деректер негізінде бағалу мүмкін емес):
- көздегі герпес инфекциясы
- розацеа, лентиго, малигнизация (лимфомалардың терідегі және басқа түрлері, тері обыры), жаққан жердің ісінуі
- препараттың қандағы мөлшері деңгейінің жоғарылауы.

Көрсеткіштері, қолдану тәсілі мен дозалары

Жақпамайды терінің зақымданған бөліктеріне жұқа қабаттап жағу керек. Препаратты дененің шырышты қабықтардан басқа кез келген бөлігіне, соның ішінде бетке, мойынға және бүгілген аумақтарға пайдалануға болады. Жақпамайды окклюзиялық таңғыштар жағдайында қолданбаған дұрыс.

Балаларда қолданылуы

16 жастағы және одан үлкен жасөспірімдерге. Жергіліікті.Емдеуді 0,1% препаратпен тәулігіне екі рет қолданудан бастау және зақымдану ошағы толық тазарғанға дейін жалғастыру қажет. Ауру симптомдары қайта туындаған жағдайда күніне екі қайтара емдеуді қайта жаңғырту керек. Егер клиникалық көрінісі мүмкіндік берсе, препаратты қолдану жиілігін төмендетуге тырысып көру немесе препараттың азғантай дозасын – 0,03% пайдалану керек. Екі апта емдегеннен кейін жақсару болмағанда емдеудің басқа нұсқалары қарастырылуы тиіс.